මහජන ආරක්ෂාව පිළිබඳ හිටපු අමාත්‍ය ටිරාන් අලස් ප්‍රකාශයක් ලබා දීම සඳහා මීට සුලු මොහොතකට පෙර අපරාධ පරීක්ෂණ දෙපාර්තමේන්තුවට (CID) පැමිණ ඇත.
2023 දී වැලිගම ප්‍රසිද්ධ හෝටලයක් ඉදිරිපිට සිදු වූ වෙඩිතැබීමේ සිද්ධිය සම්බන්ධයෙන් ප්‍රකාශයක් ලබාගැනීම සඳහා හිටපු අමාත්‍යවරයා CIDයට පැමිණ ඇත.
එකී සිද්ධිය සම්බන්ධයෙන් වැඩ තහනම් කරන ලද පොලිස්පති දේශබන්දු තෙන්නකෝන් දැනටමත් රක්ෂිත බන්ධනාගාරගත කර ඇත.
කොළඹ අපරාධ කොට්ඨාශය (CCD), වැලිගම පොලිසිය සහ විශේෂ කාර්ය බලකායේ නිලධාරීන් සම්බන්ධ කර ගනිමින් සිදුකළ වෙඩිතැබීමේ සිද්ධිය සම්බන්ධයෙන් තෙන්නකෝන්ට චෝදනා එල්ල වී ඇති අතර, එහි ප්‍රතිඵලයක් ලෙස CCD නිලධාරියෙකු මියගොස් තවත් අයෙකුට තුවාල සිදුවිය.
පෙබරවාරි 27 දා සිට මාර්තු 19 දක්වා පොලිසිය මඟහැර සිටි ඔහු මාතර මහේස්ත්‍රාත් අධිකරණයට භාර වූ අතර අප්‍රේල් 03 දක්වා රක්ෂිත බන්ධනාගාරගත කරන ලදී.
