අධිරණයට අපහාස කිරීම ඇතුළු චෝදනා දෙකක් හේතුවෙන් රක්ෂිත බන්ධනාගාරගත කල ප්‍රියංකා උදයංගනී සමරතුංග නමැති නීතීඥවරියට අභියාචනාධිකරණය විසින් මුදා හරින ලෙස නියෝග කර ඇති බව වාර්තා වේ.
අභියාචනාධිකරණය විසින් බන්ධනාගාර නිළධාරීන්ට අද (31) මෙම නියෝගය සිදුකර ඇත.
නීතිඥ සංගමයේ සභාපති නීතිඥ රජීව් අමරසූරිය විසින් නීතිඥවරිය වෙනුවෙන් රිට් පෙත්සම ගොනු කර ඇත.
පුත්තලම මහාධිකරණයේ විභාග වන නඩුවක සැකකරුවකුට ඇප ලබා ගැනීම සඳහා පසුගිය මාර්තු 07 වන දින අධිකරණය හමුවේ පෙනී සිටි ප්‍රියංකා උදයංගනී සමරතුංග නමැති නීතීඥවරිය අධිකරණ ශාලාවට ඇතුළු වීමේ දී අධිකරණයට හිස නමා ආචාර නොකිරීම මඟින් අධිරණයට අපහාස කිරීම ඇතුළු චෝදනා දෙකක් හේතුවෙන් රක්ෂිත බන්ධනාගාරගත කිරිමට කටයුතු කර ඇත.
මහාධිකරණය හෝ මහාධිකරණ විනිශ්චයකාරවරිය සුදුසු පරිදි ගෞරවාන්විතව ඇමතීම චේතනාන්විතව නොකර හැරීම සහ මහාධිකරණයේ විවෘත අධිකරණ ශාලාවට ඇතුළු වීමේ දි අධිකරණයට හිස නමා ආචාර කර ගෞරව කිරීම චේතනාන්විතව නොකර හැරීම යන චෝදනා නීතීඥවරියට එරෙහිව එල්ල වී තිබිණි.
