යුද හමුදාවේ හිටපු හමුදා මේජර්වරයෙකු සහ ඔහුගේ අනියම් බිරිද බව කියන කාන්තාවක් අයිස් මත්කුඩු හා කේරළ ගංජා සමඟ ඊයේ (31) අනුරාධපුර රෝහල් මාර්ගයේ පිහිටි හෝටලයකදි අත්අඩංගුවට ගත් බව අනුරාධපුර පොලිසිය පවසයි.
මෙසේ අත්අඩංගුවට ගෙන ඇත්තේ, කුරුණෑගල ප්‍රදේශයේ පදිංචි 53 හැවිරිදි යුද හමුදාවේ හිටපු මේජර්වරයෙකු සහ 33 හැවිරිදි කාන්තාවක් බව පොලිසිය සඳහන් කරයි.
පොලිසියට ලද තොරතුරක් මත සිදුකළ පරික්ෂණයේදි මෙම හිටපු මේජර්වරයා සහ කාන්තාව හෝටලයක සිටියදි පොලිසිය විසින් අත්අඩංගුවට ගෙන ඇත.
පසුව ඔවුන් පැමිණි බව කියන සුඛෝපබෝගී මෝටර් රථ දෙක පරික්ෂා කිරිමේදි හිටපු හමුදා මේජර්වරයා පැමිණි මෝටර් රථයේ තිබි අයිස් මත්ද්‍රව්‍ය සහ කාන්තාව සතු මෝටර් රථයේ තිබු කේරළ ගංජා සොයාගෙන ඇත.
කෙසේ නමුත් සුඛෝපභෝගි මොටර් රථ දෙකද පොලිස් භාරයට ගෙන ඇති බව වාර්තා වේ.
