දෙදින නිල සංචාරය නිමා කරමින් ඉන්දීය අග්‍රාමාත්‍ය නරේන්ද්‍ර මෝදි මීට සුළු මොහොතකට පෙර දිවයිනෙන් පිටව ගොස් ඇති බව වාර්තා වේ.
ඉන්දීය අගමැතිවරයා තමිල්නාඩු ප්‍රාන්තයේ අද (06) පස්වරුවේ රාමනාදපුරම් දිස්ත්‍රික්කයේ දුම්රිය පාලමක් විවෘත කිරීමට එක්වීමට නියමිත අතර ඒ සඳහා ඔහු තමිල්නාඩුව බලා පිටත්ව ගොස් ඇත.
සිය පිටත්වීම වෙනුවෙන් සිය X ගිණුමේ සටහනක් තබමින් මෝදි කියා සිටින්නේ, තමාගේ සංචාරයේදී ලබා දුන් උණුසුම වෙනුවෙන් ජනාධිපති අනුර කුමාර දිසානායකට සහ ශ්‍රී ලංකා රජයට තමන් බෙහෙවින් කෘතඥ වන බවයි.
එමෙන්ම මෙම සංචාරය අපගේ ජාතීන් දෙක අතර ගැඹුරු සංස්කෘතික, අධ්‍යාත්මික සහ ශිෂ්ටාචාරික සබඳතා නැවත තහවුරු කර ඇති අතර එය නිසැකවම ද්විපාර්ශ්වික සබඳතාවලට ශක්තියක් එක් කරනු ඇති බවත් ඉන්දීය අග්‍රාමාත්‍යවරයා සිට පණිවිඩයේ සඳහන් කර ඇත.
