අභාවප්‍රාප්ත කෝසල නුවන් ජයවීරගෙන් පුරප්පාඩු වූ ජාතික ජන බලවේගයේ කෑගල්ල දිස්ත්‍රික් පාර්ලිමේන්තු මන්ත්‍රී ධුරය සඳහා සමන්ත රණසිංහව නම්කළ බව මැතිවරණ කොමිසම නිවේදනය කරයි.
කෑගල්ල දිස්ත්‍රික්කයේ පාර්ලිමේන්තු මැතිවරණයට තරග වැදුණු සමන්ත රණසිංහ ලබා ගත් මනාප ගණන 41,763 කි.
කෑගල්ල මැතිවරණ කොට්ඨාසයේ පාර්ලිමේන්තු මන්ත්‍රී කෝසල නුවන් ජයවීර අභාවප්‍රාප්ත වීම හේතුකොට ගෙන ආණ්ඩුක්‍රම ව්‍යවස්ථාවේ 66(අ) ව්‍යවස්ථාව ප්‍රකාරව, 2025 අප්‍රේල් 06 දින සිට දසවැනි පාර්ලිමේන්තුවේ මන්ත්‍රී ධුරයක පුරප්පාඩුවක් පවතින බව පාර්ලිමේන්තුව පසුගියදා පාර්ලිමේන්තුවට දැනුම් දුන්නේය.
පසුගිය මහ මැතිවරණයෙන් රුවන්වැල්ල ආසනය නියෝජනය කරමින් පාර්ලිමේන්තුවට තේරී පත්වූ කෝසල නුවන් අප්‍රේල් 06 වන දින ඇති වූ හදිසි හෘදයාබාදයක් හේතුවෙන් ජීවිතක්ෂයට පත්වු අතර ඔහු මිය යන විට 38 වැනි වියේ පසු විය.
