පේරු රාජ්‍යයේ හිටපු ජනාධිපති ඔලන්ටා උමාලා සහ ඔහුගේ බිරිඳ වන නදීන් හෙරෙවියාට වසර 15ක සිර දඬුවම් නියම කර ඇති බව විදෙස් මාධ්‍යය වාර්තා කරයි.
ඒ, මුදල් විශුද්ධිකරණය සම්බන්ධයෙන් වූ චෝදනාවකට වරදකරුවන් කරමින් බවයි තොරතුරු වාර්තා වන්නේ.
2006 සහ 2011 දී ඔහුගේ මැතිවරණ ව්‍යාපාර සඳහා බ්‍රසීලයේ ඉදිකිරීම් සමාගමකින් නීති විරෝධී ආකාරයට අරමුදල් ලබා ගැනීමේ සිද්ධියක් සම්බන්ධයෙන් මොවුන්ට මෙලෙස සිර දඬුවම් නියම කර ඇති බව විදෙස් මාධ්‍ය වාර්තා කරයි.
වසර තුනකට අධික කාලයක් පැවති නඩු විභාගයකින් අනතුරුව ඊයේ (අප්‍රේල් 15) එරට අධිකරණය විසින් මෙම තීන්දුව ලබා දී ඇති බවයි එම මාධ්‍ය වැඩිදුරටත් වාර්තා කරන්නේ.
61
/ 100
SEO Score
