දළඳා වන්දනාව සඳහා VIP හෝ VVIP යනුවෙන් ප්‍රභූවරුන්ට විශේෂිත වූ පෝලිමක් නොමැති බව මහනුවර සහ මාතලේ දිසාව භාර නියෝජ්‍ය පොලිස්පති සුදත් මාසිංහ පවසයි. ඔහු බව පැවසුවේ අද (අප්‍රේල් 17) පැවති විශේෂ මාධ්‍ය හමුවකදී ය.
නමුත් ස්වාමින් වහන්සේලාට සහ ආබාධිත පුද්ගලයන්ට දළදා වහන්සේ වන්දනා කරගැනීමට ගැනීමට විශේෂ අවස්ථාවක් ලබා දෙන බව ඔහු තවදුරටත් සඳහන් කළේ ය.
එමෙන්ම, මහජනතාවට දළදා වන්දනාව ආරම්භ කිරීමට පෙර විදෙස් තානාපතිවරුන් දළදා වහන්සේව වන්දනා කරගැනීමට අවස්ථාව ලබාදෙන බවද නියෝජ්‍ය පොලිස්පතිවරයා පවසා ඇත.
ඔහු සඳහන් කළේ, දළදා වන්දනාවේදී 98%ක පමණ ප්‍රමුඛත්වයක් ලබා දෙන්නේ, බැතිමතුන්ට වන බවත් උදෑසන කිරි ආහාර පුජාව සිදු කරන බැතිමතුන්ට කිසිදු අවහිරයක් නොමැතිව එය වන්දනාමාන සිදු කළ හැකි බවත් ය.
තවද ජනතාවට දළදා වහන්සේ වන්දනා කිරීමට පෝලිම් තුනක් ඇතුළු කරන අතර පෝලිම් දෙකක් ලෙස ජනතාවට පිටවීමට හැකි බවත් පැමිණෙන සියලුම ජනතාව පරීක්ෂාවට ලක් කරන බවත් නියෝජ්‍ය පොලිස්පතිවරයා එහිදි පවසා ඇත.
