යේමනයේ රාස් ඊසා ඉන්ධන වරායට අමෙරිකානු හමුදාව විසින් ගුවන් ප්‍රහාරයක් එල්ල කර ඇති බව විදෙස් මාධ්‍ය වාර්තා කරයි.
මෙම ප්‍රහාරයෙන් අවම වශයෙන් පුද්ගලයින් 58 දෙනෙකු මිය ගිය ගොස් ඇති අතර පුද්ගලයන් 126 දෙනෙකු තුවාල ලබා ඇති බවයි මාධ්‍ය වාර්තා කරන්නේ.
අමෙරිකානු හමුදාව පවසන්නේ, හූති කැරලිකරුවන්ගේ ප්‍රධාන ඉන්ධන සැපයුම් මාර්ගය විනාශ කිරීම සඳහා මෙම ප්‍රහාරය එල්ල කළ බවයි.
කෙසේ නමුත් වයඹ යේමනය පාලනය කරන හූති ප්‍රමුඛ රජය සඳහන් කර ඇත්තේ, මෙම ඉන්ධන පර්යන්තය සාමාන්‍ය පුරවැසියන්ගේ කටයුතු සඳහා භාවිත කරන අතර ප්‍රහාරයෙන් සිවිල් වැසියන් මිය ගොස් ඇති බවයි.
එමෙන්ම මෙම ප්‍රහාරය ‘පූර්ණ යුද අපරාධයක්’ බව හූති ප්‍රමුඛ රජය සඳහන් කර ඇති බවද වාර්තා වේ.
