මෙවර පැවැත්වෙන පළාත් පාලන ආයතන ඡන්ද විමසීමට අදාළව මේ වනවිට මැතිවරණ අපේක්ෂකයින් 33 දෙනෙක් අත්අඩංගුවට ගෙන ඇතැයි පොලීසිය පවසයි.
නිවේදනයක් නිකුත් කරමින් පොලීසිය පවසන්නේ, පසුගිය මාර්තු 3 වන දින සිට අද (30) උදෑසන දක්වා වූ කාලය තුළ අදාළ සැකකරුවන් අත්අඩංගුවට ගෙන ඇති බවයි.
මේ අතර, අදාළ කාලය තුළ පක්ෂ ආධාරකරුවන් ද 349 දෙනෙකු අත්අඩංගුවට පත්ව ඇති බව සදහන් වේ.
එමෙන්ම ඊයේ දිනට මැතිවරණයට අදාළ අපරාධමය පැමිණිලි 3ක් වාර්තා වී ඇති අතර, ඉහත කාලය තුළ පැමිණිලි 89ක් වාර්තා වී ඇත.
මේ අතර, මැතිවරණ නීති උල්ලංඝනය කිරීමට අදාළව වාහන 32ක් ද පොලිස් භාරයට ගෙන ඇති බවද සඳහන් වේ.
