කොස්ගොඩ පොලිස් අත්අඩංගුවේ සිටි තරුණයෙකු හදිසියේ මියයාම සම්බන්ධයෙන් විමර්ශනයක් සිදු කරන්නැයි වැඩබලන පොලිස්පති ප්‍රියන්ත වීරසුරිය දකුණු පළාත් ජ්‍යෙෂ්ඨ නියෝජ්‍ය පොලිස්පතිවරයාට උපදෙස් ලබාදී ඇති බව වාර්තා වේ.
මත්ද්‍රව්‍ය ළඟ තබා ගැනීම සම්බන්ධයෙන් පෙරේදා (01) එලෙස අත්අඩංගුවට ගෙන තිබුණේ කොස්ගොඩ පදිංචි 28 හැවිරිදි තරුණයෙකි.
සැකකාර තරුණයාව, ඊයේ අධිකරණය වෙත රැගෙන යමින් සිටියදී හදිසියේ ඇති වූ රෝගී තත්ත්වයක් මත රෝහල වෙත රැගෙන යමින් සිටියදි මියගොස් තිබුණි.
කෙසේ නමුත් ඥාතින් චෝදනා කරන්නේ පොලිස් පහරදීම් හේතුවෙන් මෙම තරුණයා මිය ගොස් ඇති බවයි.
ඔහුගේ මෘත දේහය මේ වනවිට බලපිටිය රෝහලේ තැන්පත් කර ඇත.
