නවකවදය ඇතුළු ගැටලු කිහිපයක් සම්බන්ධයෙන් සාකච්ඡා කිරීම සඳහා දිවයිනේ සියලු විශ්වවිද්‍යාලවල උප කුලපතිවරුන්, අද(05) විශ්වවිද්‍යාල ප්‍රතිපාදන කොමිෂන් සභාවට කැඳවා ඇති බව වාර්තා වේ.
මේ අතර, නවකවදයට දිගු කාලීන විසඳුම් සෙවීම වෙනුවෙන් අගමැතිනි හරිනි අමරසූරියගේ ප්‍රධානත්වයෙන් පැවැත්වෙන රැස්වීමක් සඳහා උසස් අධ්‍යාපන අමාත්‍යාංශයද දිවයිනේ උපකුලපතිවරුන් කොළඹට කැඳවා ඇති බව වාර්තා වේ.
සබරගමුව විශ්වවිද්‍යාලයේ සිසුන්ට නවකවදය ලබාදීම සම්බන්ධයෙන් අත්අඩංගුවට ගත් සිසුන්, අද(05) බලංගොඩ මහේස්ත්‍රාත් අධිකරණයට අද ඉදිරිපත් කිරීමට නියමිතව ඇති අතර අපරාධ පරික්ෂණ දෙපාර්තමේන්තු නිලධාරීන් විසින් අදාළ සිසුන් ඊයේ අත්අඩංගුවට ගන්නා ලදි.
පොලීසිය සඳහන් කළේ, එම සිසුන් සබරගමුව විශ්වවිද්‍යාලයේ තාක්ෂණ පීඨයේ තෙවන වසරේ ඉගෙනුම ලබන බවයි.
පසුගිය 29 වැනිදා සමනලවැව පොලීසියට ඉදිරිපත් කළ පැමිණිල්ලකට අනුව කළ විමර්ශනවලදී ඔවුන් අත්අඩංගුවට ගෙන ඇත.
