සබරගමුව විශ්වවිද්‍යාලයේ නවකවදය ලබාදීමේ සිද්ධියක් හේතුවෙන් තාක්ෂණ පීඨයේ දෙවැනි වසරේ ඉගෙනුම ලැබු සිසුවෙකුගේ මරණයට අදාලව එම විශ්වවිද්‍යාලයේම තවත් සිසුන් සිව්දෙනෙකු සමනලවැව පොලිසිය වෙත අද (05) බාර වී ඇති බව වාර්තා වේ.
ඒ අනුව, පොලිසිය වෙත බාර වූ මෙම සැකකාර සිසුන් සිව් දෙනාද ඉහත සිදුවීම සම්බන්ධයෙන් විමර්ශන සිදුකරනු ලබන අපරාධ පරීක්ෂණ දෙපාර්තමේන්තුව වෙත බාර දීමට නියමිත බව පොලිසිය සඳහන් කරයි.
ඉහත සිදුවීම සම්බන්ධයෙන් එම විශ්වවිද්‍යාලයේ තෙවැනි වසරේ ඉගෙනුම ලබන සිසුන් සිවි දෙනෙකු අපරාධ පරික්ෂණ දෙපාර්තමේන්තුවේ නිලධාරීන් විසින් ඊයේ (04) පස්වරුවේ සැකපිට අත්අඩංගුවට ගනු ලැබුවේ විශ්වවිද්‍යාල පරිශ්‍රයේදීය.
අනතුරුව ඔවුන් බලන්ගොඩ ප්‍රධාන මහේස්ත්‍රාත් අධිකරණයට අද පස්වරුවේ ඉදිරිපත් කිරිමෙන් පසු එම සිසුන් සිව්දෙනා මේ මස 16 දක්වා රක්ෂිත බන්ධනාගාර ගත කරන ලෙස නියෝග කෙරුණි.
