පකිස්ථානය විසින් එල්ල කරන ලද ප්‍රහාරවලින් ඉන්දීය ජෙට් යානා 05ක් බිම හෙලා ඇති බව විදෙස් මාධ්‍ය වාර්තා කරයි.
පාකිස්තාන ආරක්ෂක ආරංචි මාර්ගවලට අනුව බිම දැමූ ඉන්දීය ගුවන් යානා පහෙන් තුනක් අති නවීන රෆායෙල් ප්‍රහාරක ජෙට් යානා බවත්, රෆායෙල් ප්‍රහාරක ජෙට් යානා යනු ඉන්දීය ගුවන් හමුදාව වසර කීපයකට පෙර අත්පත් කරගත් වටිනා ආරක්ෂක වත්කමක් බවත් සදහන් වේ.
මෑත වකවානුවේ ඉන්දියාව ප්‍රංශ නිෂ්පාදක ඩැසෝල්ට් ඒවියේෂන් වෙතින් රෆේල් ජෙට් යානා 36 මිලදී ගෙන ඇත.
මෙම ප්‍රහාරක ජෙට් යානා ප්‍රථම වරට 2016 දී ඇණවුම් කර ඇති අතර ඒවා 2020දි ලැබුණු පසු ඒ අවස්ථාවේ දී, ඉන්දියාවේ ආරක්ෂක අමාත්‍ය රාජ්නාත් සිං කියා සිටියේ නව ජෙට් යානා “ලෝකයේ හොඳම ඒවා” අතර ඇති බවත්, ඉන්දියානු ගුවන් හමුදාව රටට එල්ල විය හැකි ඕනෑම තර්ජනයක් වළක්වා ගැනීමට බෙහෙවින් ශක්තිමත් කරන බවත්ය.
අප්‍රේල් අග භාගයේදී, ඉන්දියාව ප්‍රංශයෙන් තවත් රෆේල් ජෙට් යානා 26ක් මිලදී ගැනීම සඳහා ඩොලර් බිලියන 7.4 ක ගිවිසුමක් අත්සන් කල අතර ඒ 2030 සිට එම යානා ලබා ගැනීමේ අපේක්ෂාවෙනි.
ජෙට් යානා එක් ආසනයක් හෝ ආසන දෙකක මාදිලි වලින් ඇති අතර නිෂ්පාදකයාට අනුව, ගුවනින් ගුවනට, ගුවනින් ගොඩබිමට සහ නැව් නාශක මිසයිල මෙන්ම 30mm කාලතුවක්කුවකින් සන්නද්ධ කළ හැකි බවද වාර්තා වේ.
එමෙන්ම මේ ජෙට් යානාවලට සියලු කාලගුණික තත්ත්වයන් යටතේ භූමි-අනුගමන මාදිලියක ස්වයංක්‍රීය නියමු පද්ධතියක් මත පියාසර කිරීමේ හැකියාව ඇතුළත්ව ඇති බවත් විදෙස් මාධ්‍ය වාර්තා කරයි.
