දෙදිනක් පැවති පාප්වරණයකින් අනතුරුව අභිනව පාප් වහන්සේ ලෙස අමෙරිකාවේ රොබට් ප්‍රෙවොස්ට් වතිකානයේ වේලාවෙන් අද (8) පස්වරුවේ තේරී පත්විය.
ඒ අනුව උන් වහන්සේ ලියෝ පාප් වහන්සේ ලෙසින් නම්කර ඇති බව වාර්තා වේ.
69වන වියේ පසුවන ලියෝ පාප් වහන්සේ අමෙරිකාවෙන් තේරීපත් වූ පළමු පාප්වරයා ලෙසින් ඉතිහාසයට එක්විය.
ඒ අනුව බිලියන 1.4ක් වූ ලොව පුරා කතෝලික ප්‍රජාව වෙනුවෙන් ලියෝ පාප් වහන්සේ නායකත්වය දෙනු ඇත.
ශුද්ධෝත්තම ෆ්‍රැන්සිස් පාප් වහන්සේගේ ස්වර්ගස්ථ වීමෙන් අනතුරුව අභිනව පාප් වහන්සේ තෝරාගනු ලැබීය.
88 හැවිරිදි වියේ පසුවූ ෆ්‍රැන්සිස් පාප්වහන්සේ ඉකුත් අප්‍රේල් 21වනදා වතිකානයේ කාසා සැන්ටා මාර්තා හි පිහිටි උන්වහන්සේගේ නිවසේදී ස්වර්ගස්ථ විය.
ඒ පෙරදිනය දිනයේ වතිකානයේ ශාන්ත පීතර බැසිලිකාවේ පැවැති පාස්කු දේව මෙහෙයට උන්වහන්සේ එක්වීමෙන් අනතුරුවය.
56
/ 100
SEO Score
