බේරුවල – වලතර ප්‍රදේශයේ නිවසක ඇතිවු ආරවුලකදී තියුණු ආයුධයකින් පහර දී පුද්ගලයෙකු ඝාතනය කර ඇති බව වාර්තා වේ.
ඊයේ (11) රාත්‍රී කාලයේ මෙම ආරවුල සිදු වී ඇති අතර තුවාල ලැබු පුද්ගලයෙකු වැටී සිටින බවට බේරුවල පොලිස් ස්ථානයට ලද පණිවිඩයක් මත පොලිස් නිලධාරින් එම ස්ථානයට ගොස් තුවාලකරු කඩිනමින් බේරුවල රෝහල වෙත ඇතුළත් කර ඇති අතර ඒ වන විට තුවාලකරු මියගොස් සිට ඇති බව පොලීසිය සඳහන් කරයි.
පොලීසිය පැවසුවේ අනියම් බිරිඳ සමඟ ඇති වූ ආරවුලක් දුරදිග යාමෙන් අනියම් බිරිඳ විසින් තියුණු ආයුධයකින් පහරදී මෙම ඝාතනය සිදුකර ඇති බවට දැනට සිදුකරන ලද විමර්ශන වලදී අනාවරණය වී ඇති බවයි.
මියගොස් ඇත්තේ අවුරුදු 38 ක් වන වලතර, බේරුවල ප්‍රදේශයේ පදිංචිකරුවෙකි.
වයස අවුරුදු 42ක් වන සැකකාරිය අත්අඩංගුවට ගෙන ඇති අතර බේරුවල පොලීසිය වැඩිදුර විමර්ශනය සිදු කරනු ලබයි.
