කොළඹ අගරදගුරු අති උතුම් මැල්කම් කාදිනල් රංජිත් හිමිපාණන් වහන්සේ අභිනවයෙන් තේරී පත් වුණු 14 වන ලියෝ පාප්වහන්සේ මුණ ගැසී ඇති බව වාර්තා වේ.
එහිදී මැල්කම් කාදිනල් රංජිත් හිමිපාණන් සහ රොබට් ප්‍රෙවොස්ට් පාප් වහන්සේ සුහද කතා බහක නිරත වී ඇති අතර එම අවස්ථාවේ ඡායාරූප කොළඹ අගරදගුරු පදවියේ සිය සමාජ මාධ්‍ය ගිණුම් ඔස්සේ පළ කොට ඇත.
ෆ්‍රැන්සිස් පාප් වහන්සේගේ අභාවයෙන් පසුව පැවත්වුණු නව පාප් වහන්සේ තෝරා ගැනීමේ අවස්ථාවට ශ්‍රී ලංකාව නියෝජනය කරමින් අගරදගුරු මැල්කම් රංජිත් කාදිනල් හිමිපාණන් වහන්සේද සහභාගී වු අතර දින දෙකක් පුරා පැවති ඡන්ද විමසීමකින් අනතුරුව නව පාප් වහන්සේ ලෙස අමෙරිකානු ජාතික රොබට් ප්‍රෙවොස්ට් හිමිපාණන් තේරී පත් විය.
69 හැවිරිදි රොබට් ප්‍රෙවොස්ට් 267 වන පාප් වහන්සේ බවට පත්වූ අතර ඔහු 14 වන ලියෝ ලෙස හඳුන්වනු ලබයි.
මිෂනාරීවරයෙකු ලෙස වසර ගණනාවක් ගත කර ඇති රොබට් ප්‍රොවොස්ට් හිමිපාණන්, පේරුහි අගරදගුරු පදවියද දරා ඇති බවයි මාධ්‍ය වාර්තා කරන්නේ.
