කැනඩා නව අග්‍රමාත්‍ය Mark Carney ගේ කැබිනට් මණ්ඩලයේ මහජන ආරක්ෂාව පිළිබඳ නව අමාත්‍යවරයා ලෙස ශ්‍රී ලාංකික සම්භවයක් ඇති පාර්ලිමේන්තු මන්ත්‍රී ගැරී ආනන්දසංගරී පත්කර ඇති බව වාර්තා වේ.
ඒ අනුව, කැනඩා දේශ සීමා සේවා ඒජන්සිය, රාජකීය කැනේඩියානු කඳුකර පොලිසිය (RCMP) සහ කැනේඩියානු ආරක්ෂක බුද්ධි සේවය (CSIS) ඇතුළු රටේ ඉහළම ජාතික ආරක්ෂක ආයතන සහ නීතිය ක්‍රියාත්මක කරන ආයතන ඔහු යටතේ ක්‍රියාත්මක වේ.
කෙසේ නමුත් ඔහු මීට පෙර මාර්තු මාසයේදී කැනඩාවේ අධිකරණ අමාත්‍යවරයා ලෙස ද කටයුතු කර තිබුණි.
ගැරී ආනන්දසංගරී යනු මෙරට ද්‍රවිඩ එක්සත් විමුක්ති පෙරමුණේ (TULF) මහ ලේකම් ලෙස කටයුතු කළ ශ්‍රී ලාංකික දෙමළ දේශපාලනඥයෙකු වන වීරසිංහම් ආනන්දසංගරීගේ පුත්‍රයා වේ.
