කොළඹ ප්‍රදේශ කිහිපයකට ඇතුළුවීම නවතමින් අන්තර් විශ්ව විද්‍යාලයීය ශිෂ්‍ය බල මණ්ඩලයේ කැදවුම්කරු ඇතුලු පිරිසකට අධිකරණ නියෝගයක් නිකුත් කර ඇති බව වාර්තා වේ.
ඒ, ඔවුන් අද (16) දහවල් 12 සිට හෙට පස්වරු 5 දක්වා කාලය තුළ කොළඹ රෝහල් චතුරශ්‍රයට සහ සෞඛ්‍ය අමාත්‍යංශයේ පිහිටි ප්‍රදේශයට ඇතුල්වීම සහ රෝහල් කටයුතු වලට බාධා කිරීම වළක්වාලමිනි.
පරිපූරක වෛද්‍ය වෘත්තීන් සදහා සම සෞඛ්‍ය විද්‍යා උපාධිධාරීන් නොසලකා පෞද්ගලික විශ්ව විද්‍යාල වල උපාධිධාරීන් පමණක් බදවා ගැනීමට එරෙහිව සම සෞඛ්‍ය විද්‍යා උපාධිධාරී එකමුතුව සහ අන්තර් විශ්ව විද්‍යාලයීය ශිෂ්‍ය බල මණ්ඩලය නියෝජනය කරන පිරිසක් මේ වන විට විරෝධතාවයකද නිරත වේ.
