2025 වසරේ සැප්තැම්බර් මාසයේ පැවැත්වෙන පිරිමි ආසියානු කුසලානයෙන් සහ ජූනි මාසයේදී ශ්‍රී ලංකාවේ පැවැත්වෙන කාන්තා නැගී එන කණ්ඩායම් ආසියානු කුසලානයෙන් තම කණ්ඩායම් ඉවත් කර ගන්නා බව ඉන්දීය ක්‍රිකට් පාලක මණ්ඩලය ආසියානු ක්‍රිකට් කවුන්සිලයට දැනුම් දී ඇති බව වාර්තා වේ.
ඉන්දියාව සහ පාකිස්ථානය අතර උත්සන්න වූ ගැටුම් හේතුවෙන් ඉන්දියාව මෙම තීරණය ගෙන ඇත.
පාකිස්ථාන අමාත්‍යවරයෙකු ප්‍රධානියා වන ආසියානු ක්‍රිකට් කවුන්සිලය විසින් සංවිධානය කරන ලද තරඟාවලි සඳහා ඉන්දීය කණ්ඩායම ක්‍රීඩා නොකරන බව ඉන්දීය ක්‍රිකට් පාලක මණ්ඩලය පවසා ඇති බවද විදෙස් මාධ්‍යය වාර්තා කරයි.
