කොටහේන ප්‍රදේශයේදී සියදිවි නසාගත් පාසල් දැරිය අපයෝජනයට ලක් කිරීමේ සිද්ධියට අදාළ නඩුව අද (19) කැඳවා ඇත.
එහිදී සිද්ධියට අදාළ සැකකාර ගුරුවරයා සම්බන්ධ විමර්ශනවල ප්‍රගතිය අධිකරණයට ඉදිරිපත් කරන්නැයි කොළඹ මහේස්ත්‍රාත් අධිකරණය අද (19) පොලිසියට නියම කර ඇත.
ඒ අනූව ලබන ජුනි මස (23) වැනිදා එම කරුණු අධිකරණයට ඉදිරිපත් කරන ලෙස නියෝග කර ඇත.
අදාළ පැමිණිල්ල සම්බන්ධයෙන් ඉදිරිපත් වූ කරුණු සලකා බැලීමෙන් අනතුරුව කොළඹ අතිරේක මහේස්ත්‍රාත් පසන් අමරසේන විසින් මෙම නියෝගය නිකුත් කර තිබේ.
