කොළඹ හැව්ලොක් ටවුන් ප්‍රදේශයේ පිහිටි නිවාස සංකීර්ණයක නිවසක් තුළ තිබී T56 ගිනි අවියක් පොලිස් භාරයට ගෙන ඇත.
කාන්තාවක් විසින් හැව්ලොක් ටවුන් ප්‍රදේශයේ නිවාස සංකීර්ණයේ තම නිවසට T56 ගිනි අවියක් රැගෙන යන බව දුටු එම නිවාස සංකීර්ණයේ ආරක්ෂක නිලධාරියෙකු මේ බව පොලීසියට දන්වා ඇති අතර ඒ ලද තොරතුර අනුව මෙම ගිනි අවිය පොලිස් භාරයට ගෙන ඇත.
ඒ අනුව වැල්ලවත්ත පොලීසිය විසින් එම ස්ථානයට පැමිණ නිවස පරීක්ෂා කර ගිනි අවිය පොලිස් භාරයට ගෙන ඇති අතර ඔවුන් වැඩිදුර විමර්ෂණ සිදුකරයි.
පොලිස් මාධ්‍ය ප්‍රකාශක ජ්‍යේෂ්ඨ පොලිස් අධිකාරී බුද්ධික මනතුංග සඳහන් කළේ අදාළ කාන්තාව 67 වැනි වියේ පසුවන්නියක් බවයි.
ඇයගේ මෝටර් රථයේ පිටුපස දොර විවෘත කර තිබියදී එහි බෑගයක් තුළ රන් ආලේපිත ගිනිඅවියක් තිබෙන බව දුටු නිවාස සංකීර්ණයේ ආරක්ෂක නිලධාරියෙක් ඒ බව පොලීසියට දැනුම් දී ඇත.
කෙසේ නමුත් පොලීසිය සඳහන් කළේ මෙම ගිනි අවිය සැබෑ එකක් ද නැද්ද යන්න පිළිබඳ පරීක්ෂණ සිදුකරන බවයි.
