අධිවේගී මාර්ගවල කාඩ්පත් මගින් ගෙවීම් අද ( 21) සිට ආරම්භ කරන බව ප්‍රවාහන, මහාමාර්ග, වරාය හා සිවිල් ගුවන්සේවා අමාත්‍යංශය පවසයි.
දක්ෂිණ අධිවේගී මාර්ගය, කොළඹ-කටුනායක අධිවේගී මාර්ගය සහ මධ්‍යම අධිවේගී මාර්ගයේ මීරිගම-කුරුණෑගල කොටසේ පිටවීමේ දොරටුවලදී කාඩ්පත් මගින් ගෙවීම් සිදු කිරීමට අවශ්‍ය පහසුකම් සලසා ඇති බව නිවේදනයක් නිකුත් කරමින් එම අමාත්‍යාංශය සඳහන් කරයි.
එම නිවේදනයේ තවදුරටත් සඳහන් කර ඇත්තේ, අධිවේගී මාර්ග භාවිතා කරන්නන්ට අන්තර් හුවමාරු 35 ක් සහ පිටවීම් දොරටු 119 ක් තුළදී මෙම පහසුකම ලබාගත හැකි අතර මේ සඳහා අවශ්‍ය නිලධාරීන් ද පුහුණු කර අවසන් බවයි.
