බිංගිරිය වයඹ ජාතික අධ්‍යාපන පීඨයේ දෙවන වසරේ සිසුවියක් සිය දිවි හානි කරගැනීමේ සිද්ධිය සම්බන්ධයෙන් අධ්‍යාපන අමාත්‍යංශය කඩිනම් විමර්ශනයක් ආරම්භ කර ඇති බව වාර්තා වේ.
බිංගිරිය වයඹ ජාතික අධ්‍යාපන පීඨයේ පීඨාධිපති ලාල් කුමාර සඳහන් කළේ අධ්‍යාපන අමාත්‍යංශය විසින් මේ සම්බන්ධයෙන් විමර්ශනයක් ආරම්භ කර ඇති බවට තමාට දැනුම් දුන් බවයි.
බිංගිරිය වයඹ ජාතික අධ්‍යාපන පීඨයේ දෙවන වසරේ සිසුවියක් පසුගියදා නේවාසිකාගාරය තුලදී සියදිවි හානි කරගෙන තිබු අතර මානසික ආතතියක් මෙම සියදිවි හානිකර ගැනීමට හේතුවී ඇති බව පවුලේ ඥාතීන් සඳහන් කරයි.
එමෙන්ම ඇයගේ මිතුරන් විසින් චෝදනා කරේ එයට හේතුව විද්‍යා පීඨය තුල පවතින කතිකාචාර්‍යවරුන්ගෙ ක්‍රියාකලාපය හේතුවෙන් ඇය එසෙ මානසික ඇදවැටිමකට පත්ව ඇති බවයි. ඒ හේතුවෙන් ඇය සියදිවි නසාගත් බවයි.
එ වෙනුවෙන් මියගිය තරුණියට යුක්තිය ඉල්ලමින් විද්‍යාපීඨය ඉදිරිපිට උද්ඝෝශණයක්ද පසුගියදා මිතුරන් විසින් සංවිධානය කර තිබිණි.
කෙසේවෙතත් අදාළ සිදුවීම සම්බන්ධයෙන් තවත් විවිධ පාර්ශව විසින් කඩිනම් විමර්ශනයක් සිදුකරන ලෙස ඉල්ලා තිබු අතර ඒ අනුව සිසුවිය සියදිවි හානිකර ගැනීමට හේතුවු කරුණු සම්බන්ධයෙන් අධ්‍යාපන අමාත්‍යංශය විශේෂ විමර්ශනයක් ආරම්භ කර ඇත.
