ශ්‍රී ලංකා ක්‍රිකට් කණ්ඩායමේ කලක් වේග පන්දු යවන්නකු ලෙස කටයුතු කළ අයකු මත්ද්‍රව්‍ය සන්තකයේ තබා ගත් වරදට අත්අඩංගුවට ගෙන ඊයේ දිනයේදී අධිකරණය හමුවට ඉදිරිපත් කර ඇත.
මෙහිදී හෙරොයින් විශාල ප්‍රමාණයක් සන්තකයේ තබාගත් බව කියන ශ්‍රී ලංකා ක්‍රිකට් කණ්ඩායමේ කලක් වේග පන්දු යවන්නකු ලෙස කටයුතු කළ මෙකී ක්‍රීඩකයා පන්නල පොලිසිය මගින් අත්අඩංගුවට ගෙන අධිකරණය ඉදිරිපත් කර තිබුණි.
පසුව පොලිසිය මගින් වැඩිදුර පරීක්‍ෂණ සඳහා ඉල්ලා සිටි රැඳවුම් නියෝගයක් ජුනි 01 දක්වා ලබාදීමට කුලියාපිටිය මහෙස්ත්‍රාත් රන්දික ලක්මාල් ජයලත් ඊයේ (26 ව) නියම කර ඇත.
එමෙන්ම කලක් ක්‍රිකට් කණ්ඩායමේ දක්‍ෂ පන්දු යවන්නකු ලෙස කටයුතු කළ අයකු එලෙසින් රැඳවුම් නියෝග ලද අතර මීට පෙර අවස්ථාවකදීද සැකකරු එසේ හෙරොයින් සන්තකයේ තබාගෙන සිටීම හේතුවෙන් මෙම අධිකරණය මගින්ම රක්‍ෂිත බන්ධනාගාර ගතකර සිටි බව පොලිසිය පවසයි.
