මහනුවර ප්‍රදේශ කිහිපයකට පැය 36ක කාලයක් ජල සැපයුම අත්හිටුවන බව මහනුවර නගර සභාව පවසයි.
ඒ අනුව අද (28) සවස 2 සිට මැයි 30 වන දා අලුයම 2 දක්වා පැය 36ක කාලයක් මෙලෙස ජල සැපයුම අත්හිටුවනු ඇත.
පේරාදෙණිය පාර, විලියම්ගොපල්ලව මාවත, උසාවි සංකීර්ණය අසල සිට නගර සභා හන්දිය දක්වාත්, අස්ගිරිය, වැව රවුම, රජ පිහිල්ල මාවත, බූවැලිකඩ, තැන්නකුඹුර, ගුරුදෙණිය, අම්පිටිය සහ මහනුවර නගර මධ්‍යයේ සියලු ම වීදි ජල සැපයුම මෙලෙස අත්හිටුවීමට නියමිතයි.
මහනුවර ගුඩ්ෂෙඩ් බස්නැවතුම ඉදිකිරීමේදී සිදුවු ජලනල පද්ධතියේ බිඳවැටීමක් හේතුවෙන් මෙලෙස ජල සැපයුම අත්හිටුවනු ඇති බවයි වාර්තා වන්නේ.
