වැඩිහිටියන්ට පමණක් සීමා වූ අන්තර්ගතයන් සහිත වෙබ් අඩවි හතරක් සම්බන්ධයෙන් යුරෝපා සංගමය පරීක්ෂණයක් ආරම්භ කර ඇති බව විදෙස් මාධ්‍ය වාර්තා කරයි.
Pornhub, Stripchat, XNXX සහ XVideos යන ලිංගික දර්ශන සහිත වෙබ් අඩවි 4ක් සම්බන්ධයෙන් මෙලෙස පරීක්ෂණ ආරම්භ කර ඇති බවයි මාධ්‍යය වාර්තා කරන්නේ.
ඒ, එම වෙබ් අඩවි Digital Services Act නැතහොත් ඩිජිටල් සේවා පනත නමින් හඳුන්වන ආරක්ෂිත ඩිජිටල් අවකාශයක් නිර්මාණය කිරීම පිණිස ස්ථාපිත කර ඇති නියාමන ක්‍රමවේදයන් උල්ලංඝනය කර ඇති බවට සැක මතු වීමත් සමඟයි.
යුරෝපා සංගමය පෙන්වා දෙන්නේ, අදාළ වෙබ් අඩවි ඒවා පළ කරන අන්තර්ගතයන් වෙත බාලවයස්කරුවන් පිවිසීම වැළැක්වීම සඳහා ක්‍රියාමාර්ග ගැනීමට අපොහොසත් වී ඇති බවයි.
එම වෙබ් අඩවි මඟින් ඩිජිටල් සේවා පනත උල්ලංඝනය වී ඇති බවට අනාවරණය වුවහොත්, ඔවුන්ට සිය ගෝලීය වාර්ෂික ආදායමෙන් 6% ක් දක්වා දඩ මුදලක් ගෙවීමට සිදු වනු ඇති බවද විදෙස් මාධ්‍ය වාර්තා කරයි.
