17 හැවිරිදි දැරියක් රැගෙන විත් රංචු ගැසී දූෂණය කිරීම සහ ඊට ආධාර අනුබල දීමේ චෝදනාවට වරදකරු කෙරුණු ගුරුවරියකට සහ ඇයගේ සැමියාට බරපතල වැඩ සහිත වසර 45 ක් බැගින් සිර දඬුවම් නියම කළ කොළඹ මහාධිකරණය, එය වසර 15 කින් ගෙවී යා යුතු බවට නියෝග කර ඇත.
ඊට අමතරව විත්තිකරුවන් දෙදෙනාට රුපියල් ලක්ෂ පහ බැගින් දඩ නියම කිරීමට විනිසුරු නවරත්න මාරසිංහ නියෝග කර ඇත.
විත්තිකාරිනිය දුරබැහැර ප්‍රදේශයක සිට දැරිය කොළඹට රැගෙන විත් ඇයගේ සැමියා ලවා දූෂණයට ලක් කර ඇති බවට එල්ලකර ඇති චෝදනා සාධාරණ සැකයෙන් ඔබ්බට තහවුරු කිරීමට පැමිණිල්ල සමත් වී ඇති බව තීන්දුව ලබාදෙමින් විනිසුරුවරයා පැවසීය.
