ලෝක රූ රැජින තරගාවලියේ Multimedia Challenge තරග වටයේ අනුශූරතාව දිනා ගැනීමට ශ්‍රී ලංකාව නියෝජනය කරන අනුදි ගුණසේකර සමත්ව ඇත.
ඇයගේ නිල ෆේස්බුක් ගිණුමේ සටහනක් තබමින් අද (29) පස්වරුවේ මේ බව දැනුම්දී තිබේ.
එමෙන්ම මල්ටිමීඩියා තරග වටයෙන් ආසියාවෙන්ම පළමු වරට අනුශූරතාවක් දිනාගත් තරගකාරිණිය වන්නේද අනුදි ගුණසේකරයි.
ඒ අනුව එම තරග වටයේ ජය හිමිකරගත් පළමු ශ්‍රී ලාංකිකයා වීමේ ගෞරවය හා භාග්‍යය ද අනුදිට හිමි විය.
ශ්‍රී ලාංකිකයින් වන අප සියලුම දෙනාට මෙම ජයග්‍රහණය ඓතිහාසික මොහොතක් වන අතර මෙම ජයග්‍රහණයත් සමඟ තරගකාරිණියන් 108 දෙනෙකුගෙන් බහුමාධ්‍ය (මල්ටිමීඩියා) අභියෝගයේ ඉහළම ජාත්‍යන්තර ජයග්‍රාහකයින් 8 දෙනා අතරට පත්වීමට ද අනුදි සමත් විය.
