ලොව වඩාත් ජනප්‍රියම සහ තරගකාරී ලීග් ක්‍රිකට් තරග මාලාව වන, ඉන්දියන් ප්‍රීමියර් ලීග් 2025 තරගාවලිය මීට සුළු මොහොතකට පෙර තියුණු තරගයකින් පසු රෝයල් චැලෙන්ජර්ස් බැංගලූර් පිලට ජය අත් කර දෙමින් නිමා විය.
මෙවර අවසාන මහා තරගයේ දී රෝයල් චැලෙන්ජර්ස් බැංගලූරු හා පංජාබ් කිංග්ස් කණ්ඩායම් සම්මුඛ වුවද කණ්ඩායම් දෙකම මෙතෙක් ඉතිහාසයේ IPL කුසලානයක් ජයග්‍රහණය කර නොතිබිණි.
එහිදී තියුණු තරයකින් පසු ඉතිහාසයේ පළමු වරට IPL කිරුළ පැළඳීමට රෝයල් චැලෙන්චර්ස් බැංගලූරු පිල අද සමත් විය.
අවසාන මහා තරගයේ කාසිය වාසිය හිමිකර ගත් පංජාබ් කිංග්ස් නායක ශ්‍රීයර්ස් අයියර් හිමිකර ගනිමින් පළමුව පන්දු යැවීමට තීරණය කළ අතර පංජාබ් නායකයාගේ තීරණයට සටන්කාමී පිළිතුරක් ලබා දෙමින් රෝයල් චැලෙනජර්ස් බැංගලූරු පිල පන්දු වාර 20 තුළ කඩුළු 9කට ලකුණු 190 ක තරගකාරී ලකුණු පුවරුවක් නිර්මාණය කිරීමට සමත් විය.
එහිදී රෝයල් චැලෙන්ජර්ස් බැංගලූරු පිලේ ඉහළම ලකුණු ලාභියා වූ සුපිරි ඉන්දීය පිතිකරු විරාට් කෝලි පන්දු 35කදී ලකුණු 43 ක් ලැබීමට සමත්වු නමුත් T20 තරග රටාව සැලකීමේ දී මෙය තරමක මන්දගාමී ඉනිමක් ලෙසින් හැඳින්විය හැකි අතර ඊට කිසිදු හයේ පහරක් ඇතුළත් නොවීමද විශේෂත්වයකි.
කෙසේ නමුදු රෝයල් චැලෙන්ජර්ස් ඉනිමේ අවසාන භාගයේ දී ජිටේෂ් ශර්මා 24 (10) හා රොමාරියෝ ෂෙපර්ඩ් 17 (9) දියත් කළ වේගවත් පිතිහරඹය, රෝයල් චැලෙන්ජර්ස් පිලට ලකුණු 190ක තරගකාරී ලකුණු පුවරුවක් නිර්මාණය කරලීමට ඉහළ දායකත්වයක් ලබාදුනි.
පන්දු යැවීමේ දී පංජාබ් කිංග්ස් පිල වෙනුවෙන් ආර්දීප් සිං හා කයින් ජෙමිසන් කඩුළු 3 බැගින් දවා ගැනීමට සමත්වූහ.
පිළිතුරු ඉනිම ක්‍රීඩා කළ පංජාබ් කිංග්ස් පිලට සිය පන්දු වාර 20 අවසානයේ දී ලබා ගත හැකි වූයේ කඩුළු 7ක් දැවී ලකුණු 184 ක් පමණි.
ඒ අනුව අවසාන මහා තරගය ලකුණු 06 කින් ජයගෙන 2020 IPL ශූරතාවය තමන් සතු කර ගැනීමට රෝයල් චැලෙන්ජර්ස් බැංගලූරු පිල අද සමත් විය.
