ඉලංකෙයි තමිල් අරසු කච්චි (ITAK) අපේක්ෂක සිවම් පාක්‍යනාදන් මඩකලපුව මහ නගර සභාවේ නගරාධිපති ධුරයට තේරී පත් වූ බව මඩකලපුව දිස්ත්‍රික් පාර්ලිමේන්තු මන්ත්‍රී ශානක්කියන් රාසමානික්කම් පවසයි.
‘X’ වෙත අදහස් දක්වමින් පාර්ලිමේන්තු මන්ත්‍රී ශානක්කියන් පවසා ඇත්තේ සමගි ජන බලවේගය (SJB) සාමාජිකයින්ගේ සහාය ඇතිව නගරාධිපතිධුරය ලබාගත් බවයි.
“ NPP රජය තම අපේක්ෂකයාට සහයෝගය ලබා ගැනීම සඳහා විවිධ සාම්ප්‍රදායික නොවන උපක්‍රම භාවිතා කළ බව වාර්තා වන අතර, හිටපු මන්ත්‍රී පිල්ලයාන්ගේ දෙමළ මක්කල් විඩුතලෙයි පුලිකල් (TMVP) සමඟ සන්ධානයක් ඇති කර ගැනීමට පවා ගියේය” ඔහු පැවසීය.
සිවනේසතුරෙයි චන්ද්‍රකාන්තන් නොහොත් පිල්ලයාන් බරපතල චෝදනා කිහිපයක් සම්බන්ධයෙන් අත්අඩංගුවේ පසුවන බැවින්, බලය හඹා යාම සඳහා එවැනි පුද්ගලයෙකු සමඟ සන්ධානගත වීමට රජය දක්වන කැමැත්ත බරපතල ගැටලු ඇති කරන බවයි ඔහු පවසන්නේ.
ඔහුගේ X සටහන පහතින්,
