අකුරණ ප්‍රාදේශීය සභාවේ බලය වැඩි ඡන්දයෙන් සමගි ජන බලවේගය ප්‍රමුඛ විපක්ෂයට හිමිව ඇති බව වාර්තා වේ.
අද (12) උදෑසන පැවති ඡන්ද විමසීමේ දී වැඩි ඡන්ද තුනකින් සමගි ජන බලවේගයේ ඉස්තිහාර් ඉමාදුදීන් සභාපතීත්වයට පත්වූ බව මධ්‍යම පළාත් පාලන කොමසාරිස් චමිලා අතපත්තු නිවේදනය කළාය.
අකුරණ ප්‍රාදේශීය සභාවට සභිකධුර 30ක් හිමිව තිබූ අතර, අද දින එක් අයෙකු නොපැමිණි අතර ඒ අනුව සභිකයින් 29 දෙනෙකු ඡන්දය භාවිත කළේය.
සභාපති ධුරය සඳහා ජාතික ජන බලවේගයෙන් තාරික් අලී ඉදිරිපත් වූ අතර ඔහු ඡන්ද 13ක් හිමි කරගත්තේය.
මේ අතර උපසභාපති ධුරය සඳහා පොදුජන පෙරමුණේ චමින්ද තිලකරත්න ඡන්ද 18ක් හිමි කරගනිමින් පත්වූ අතර, ජාතික ජන බලවේගයේ වසන්ත කුමාර හිමිකර ගනු ලැබුවේ ඡන්ද 11ක් පමණි.
