ලොවක් කම්පාකරමින් අහමදාබාද් හිදී කඩාවැටුණු ‘එයාර් ඉන්දියා’ ගුවන් යානයේ සිටි ගුවන් නියමුවා අනතුර සිදුවීමට මොහොතකට පෙර නිකුත්කළ වේදනාත්මක පණිවුඩය පිළිබඳ තොරතුරු විදෙස් මාධ්‍යය වාර්තා කරයි.
මෙම අවාසනාවන්ත අනතුරට ලක් වූ එයාර් ඉන්දියා ගුවන් සේවයට අයත් ‘AI 171’ ගුවන් සේවයේ ප්‍රධාන නියමුවා ලෙස සුමිත් සභාර්වාල් කටයුතු කර තිබුණි.
යානය කඩාවැටීමට තත්ත්පර කිහිපයකට පෙර ඔහු අහමදාබාද් පාලක මධ්‍යස්ථානය වෙත දැනුම් දී ඇත්තේ යානය සම්පූර්ණයෙන් ක්‍රියාවිරහිත වී තෙරපුම නැතිවී යන බවයි.
මෙම වේදනාත්මක පණිවුඩයද පැවතී ඇත්තේ තත්පර 5ක් පමණක් බව සඳහන් වේ.
“මේඩේ… මේඩේ… මේඩේ… බලය නෑ,… තෙරපුම නෑ… පහළට යනවා…” යනුවෙන් පවසා තිබේ.
(“MAYDAY… MAYDAY… MAYDAY… NO POWER… NO THRUST… GOING DOWN…”)
MAYDAY යනු ජාත්‍යන්තරව භාවිතාවන හදිසි ආපදා සංඥා වචනයකි.
ඉකුත් බ්‍රහස්පතින්දා සිදු වූ මෙම බිහිසුණු ගුවන් අනතුරෙන් යානයේ සිටි ගුවන්කාර්ය මණ්ඩලය ඇතුළු පුද්ගලයින් 241ක් දෙනෙකු ජීවිතක්ෂයට පත් වූ අතර, එක් අයෙකු පමණක් දිවි බේරාගත්තේය.
