කොළඹ මහ නගර සභාවේ නගරාධිපතිවරිය ලෙස ව්‍රායි කැලී බර්තසාල් මීට සුළු මොහොතකට පෙර වැඩි ඡන්ද 07 කින් තේරී පත් විය.
කොළඹ මහ නගර සභාවේ පළමු සභා වාරය අද (16) පෙරවරු 9ට ආරම්භ විය.
එහිදී නගරාධිපතිවරයා සඳහා වන ජාතික ජන බලවේගය නියෝජනය කරමින්, ව්‍රායි කැලී බල්තසාර්ගේ නම යෝජනා වූ අතර විපක්ෂය නියෝජනය කරමින් රීසා සාරුක්ගේ නම යෝජනා විය.
ඒ අනුව නගරාධිපතිවරයා තෝරා ගැනීම සඳහා ඡන්ද විමසීමක් කොළඹ නාගරික කොමසාරිස්වරිය විසින් යෝජනා කළ අතර ඊට ජාතික ජන බලවේගය විසින් රහස්‍ය ඡන්දයක් සහ සමගි ජන බලවේගය විසින් විවෘත ඡන්දයක් යෝජනා කලේය.
කෙසේ නමුත් පවත්වන ඡන්දය රහස්‍ය ඡන්දයක් ද විවෘත ඡන්දයක් යන්න සඳහා සභාව තුළ උණුසුම් තත්ත්වයක් මතුව තිබුණි.
ඒ අනුව, අවසානයේ සියලුම දෙනා ඒකමතිකව රහස්‍ය ඡන්දයක් පැවැත්වීමට එකඟතාවය පල කලේය.
