දාහතර වියේ පසුවන පාසල් සිසුවියන් තිදෙනකුට ලිංගික අතවර කරන ලද සැකකරුවන් සොයා විමර්ශනයක් පවත්වන බව ළමා හා කාන්තා අපයෝජන නිවාරණ කාර්යාංශය, කොළඹ ප්‍රධාන මහෙස්ත්‍රාත් අධිකරණය වෙත ඊයේ (16 වැනිදා) දන්වා ඇත.
නුගේගොඩ, බොරැල්ල සහ නාවින්න ප්‍රදේශයන්හි පදිංචි වයස අවුරුදු 14 ක් වන පාසල් සිසුවියන් තිදෙනකුට ලිංගික අතවර කර ඇති බවට ලද පැමිණිලි මත එම විමර්ශන පවත්වන බව ළමා හා කාන්තා අපයෝජන නිවාරණ කාර්යාංශයේ කාන්තා ප්‍රධාන පොලිස් පරීක්ෂක සමන්ති රේණුකා, කොළඹ ප්‍රධාන මහෙස්ත්‍රාත් අධිකරණය වෙත කරුණු වාර්තා කරමින් දන්වා ඇති බවයි වාර්තා වන්නේ.
ඒ අනුව මෙම පැමිණිලි සම්බන්ධයෙන් කරන විමර්ශනයේ ප්‍රගතිය අධිකරණයට වාර්තා කරන ලෙස ළමා හා කාන්තා අපයෝජන නිවාරණ කාර්යාංශයට අධිකරණය නියෝග කර ඇත.
