ඇහැළියගොඩ පොලිස් වසමේ මීන්නාන හන්දිය ආසන්නයේදී බස් රථයක් සහ කන්ටේනර් රථයක් මුහුණට මුහුණ ගැටී අනතුරක් සිදුවී ඇති බව වාර්තා වේ.
අද (ජූනි 18) පෙරවරුවේ ඇහැළියගොඩ සිට අවිස්සාවේල්ල දෙසට ධාවනය කළ ලංගම බස් රථයක් ඊට ප්‍රතිවිරුද්ධ දෙසින් පැමිණි කන්ටේනර් රථයක ගැටී මෙලෙස අනතුරක් සිදුවී ඇත.
අනතුරින් තුවාල ලැබූ රියැදුරන් දෙදෙනා ඇතුළුව 23 දෙනෙකු තුවාල ලබා ඇහැළියගොඩ රෝහලට ඇතුළත් කර බව පොලිස් මාධ්‍ය කොට්ඨාසය පවසයි.
පොලිස් මාධ්‍ය කොට්ඨාසය වැඩිදුරටත් පැවසුවේ, තුවාලකරුවන් දෙදෙනෙකුගේ තත්ත්වය බරපතළ බැවින් රත්නපුර රෝහලට ඇතුළත් කර ඇති බවයි.
අනතුර සම්බන්ධයෙන් ඇහැළියගොඩ පොලිසිය වැඩිදුර විමර්ශන සිදු කරයි.
