සංචාරක බංග්ලාදේශ කණ්ඩායමට එරෙහිව සිය පළමු ඉනිම ක්‍රීඩාකරමින් සිටින ශ්‍රී ලංකා කණ්ඩායම තෙවන දිනට අද (19) තරගය නතර කරන විට කඩුලු 4ක් දැවී ලකුණු 368ක් ලබා ප්‍රබල තත්ත්වයක පසුවෙයි.
ඒ අනුව ඔවුන් බංග්ලාදේශය පළමු ඉනිමට රැස්කළ ලකුණු 495 තවත් ලකුණු 127ක් පමණක් පිටුපසින් සිටියි.
ශ්‍රී ලංකා ඉනිම ගොඩනැගීමේ සියලු ගෞරව හිමිකර ගනිමින් සිය ටෙස්ට් ක්‍රිකට් දිවියේ ඉහළම ඉනිම ක්‍රීඩාකළ පැතුම් නිශ්ශන්ක ද්විත්ව ශතකයට ලකුණු 13ක් පසුපසින් සිටියදී ඉතා අවාසනාවන්ත ලෙස දැවී ගියේය.
ඔහු පිටියෙන් ඉවත්ව යන විට පන්දු 256කට මුහුණ දී ලකුණු 187ක් රැස්කරගෙන සිටි අතර, එම ඉනිමට හයේ පහරක් හා හතරේ පහර 23ක් ඇතුළත් විය.
