මුදල් අමාත්‍යාංශයේ නව ලේකම්වරයා ලෙස ජනාධිපතිවරයා විසින් නියෝජ්‍ය මුදල් අමාත්‍ය ආචාර්ය හර්ෂණ සූරියප්පෙරුම පත් කිරීමට නියමිත බව රජයේ විශ්වසනීය ආරංචි මාර්ග පවසයි.
මීට පෙර මුදල් අමාත්‍යාංශයේ ලේකම් ලෙස සේවය කළ මහින්ද සිරිවර්ධන විශ්‍රාම යාමෙන් පසු පුරප්පාඩු වූ තනතුරට ඔහු මෙසේ පත්කිරීමට නියමිතව ඇත.
ආචාර්ය හර්ෂණ සූරියප්පෙරුම පාර්ලිමේන්තුවට තේරී පත්වූයේ, ජාතික ලැයිස්තුවෙනි.
මහින්ද සිරිවර්ධන විශ්‍රාම යාමෙන් පුරප්පාඩු වන මුදල් අමාත්‍යාංශ ලේකම් තනතුරට ජනාධිපති ජ්‍යෙෂ්ඨ උපදේශක දුමින්ද හුලංගමුව පත්කිරීමේ සූදානමක් ගැන ද මීට පෙර මාධ්‍ය වාර්තා කර තිබිණි.
එහිදී එවැනි පත්කිරීමට විරෝධය පළ කරන බවට ඇතැම් සිවිල් හා දේශපාලන කණ්ඩායම් රැසක් ම අදහස් පළ කලහ.
