කටාර් රාජ්‍යය තම ගුවන් කලාපයේ ගුවන් ගමන් තාවකාලිකව අත්හිටුවන බව එරට විදේශ අමාත්‍යාංශය නිවේදනය කර ඇති බව විදෙස් මාධ්‍ය වාර්තා කරයි.
මැදපෙරදිග විශාලතම අමෙරිකානු හමුදා කඳවුර වන අල් උඩෙයිඩ් ගුවන් කඳවුර කටාර්හි පිහිටා ඇති අතර රාජ්‍ය දෙපාර්තමේන්තුවට අනුව අමෙරිකානු පුරවැසියන් 8,000 ක් පමණ එහි වාසය කරති.
ඒ අනුව, කටාර්හි සිටින අමෙරිකා එක්සත් ජනපදය සහ එක්සත් රාජධානිය පුරවැසියන්ට දැනුම් දීමක් සිදුකරමින් පවසා ඇත්තේ නැවත දැනුම් දෙන තුරු එම ස්ථානවල රැඳී සිටින ලෙසයි.
කටාර්හි එක්සත් ජනපද තානාපති කාර්යාලය අන්තර්ජාලය හරහා නිවේදනයක් නිකුත් කරමින් මේ බව සඳහන් කර ඇත.
එක්සත් රාජධානියේ රජය සඳහන් කරන්නේ, අමෙරිකා එක්සත් ජනපද විසින්කළ අනතුරු ඇඟවීමට ප්‍රතිචාර වශයෙන් තමද කටාර්හි සිටින තම පුරවැසියන්ට අනතුරු ඇඟවීම නිකුත් කළ බවයි.
මේ අතර ඉරානය විසින් කටාර් හා ඉරාකය දෙසට බැලැස්ටික් මිසයිල ප්‍රහාර එල්ල කරන බව විදෙස් මාධ්‍ය වාර්තා කරයි.
එමෙන්ම දොහා කටාර් අහසෙහි විශාල පිපිරුම් හඩවල් ඇසෙන බවත්, ඒව මිසයිලද නැතහොත් ගුවන් ආරක්ෂක පද්ධතියද යන්න නිශ්චිතව තවම නොදන්නා බවද එම මාධ්‍ය පවසයි.
