කොළඹ මහ නගර සභාවේ මේ වනවිට පැවැත්වෙන මංගල මහා සභා රැස්වීම විනාඩි 10කට කල්තැබීමට නගරාධිපතිනි ව්‍රායි කැලී බල්තසාර් පියවර ගෙන ඇති බව වාර්තා වේ.
ඒ මංගල මහා සභා රැස්වීමේ න්‍යාය පත්‍රය නීත්‍යානුකූල නොවන බවට විපක්ෂයේ මන්ත්‍රීවරු පෙන්වාදීම හේතුවෙන් බවයි තොරතුරු වාර්තා වන්නේ.
මහ නගර සභා අඥා පනතට අනුව, මහා සභා රැස්වීමේ න්‍යායා පත්‍රය සභිකයින් වෙත දින හතරකට පෙර යොමු කළ යුතුය.
නමුත් මෙම අවස්ථාවේ එම න්‍යාය පත්‍රය රැස්වීම ආරම්භ වීමට සුළු මොහොතකට පෙර සභිකයින් වෙත ලැබුණු බවට සමගි ජන බලවේගයේ නාගරික මන්ත්‍රී රෝයි බෝගහවත්ත සභාවේදී පෙන්වා දී විරෝධය පළ කර ඇත.
එය වැරැද්දක්ද නොවේද යන්න පිළිබඳව බෝගාවත්ත නගරාධිපතිවරියගෙන් සහ කොළඹ මහ නගර සභාවේ කොමසාරිස් පාලිත නානායක්කාරගෙන් විවෘත සභාවේදී විමසා ඇති අතර ඒ අනුව නගරාධිපතිනිය සහ නාගරික කොමසාරිස්වරයා පවසා ඇත්තේ එය වැරැද්දක් බවත්, මින් ඉදිරියට එවැනි වැරැද්දක් නොවීමට වගබලා ගන්නා බවත් ය.
ඒ අනුව සභාව කල්තබා වෙනත් දිනයක සභාව කැඳවන ලෙස මහේන්ද්‍ර සිල්වා යෝජනා කළද එහිදී නැගී සිටි උප නාගරාධිපති හේමන්ත කුමාර පැවසුවේ සභාව විනාඩි දහයක් හෝ පහළොවක් කල් තබා නැවත ආරම්භ කළ හැකි බවයි.
එම යෝජනාව අනුව ක්‍රියාත්මක වූ නගරාධිපතිනිය සභාව විනාඩි දහයක් කල් තබන බව පවසා සභාවෙන් පිටව ගොස් ඇත.
