කුරුණෑගල, මිල්ලව ප්‍රදේශයේ හෝටල් ඇතුළු ව්‍යාපාර කිහිපයක් හිමි ප්‍රසිද්ධ ව්‍යාපාරිකයකුගේ මළ සිරුර මහව, දියටැඹේ කැළෑබද ප්‍රදේශයක පුලුස්සා දමා තිබියදී ඊයේ (26 වැනිදා) දහවල් සොයාගෙන ඇත.
මෙලෙස ඝාතනයට ලක්ව ඇත්තේ කුරුණෑගල, මිල්ලව රන්දොළ හෝටල් ව්‍යාපාරයේ හිමිකරු වන කමල් කුරුප්පු නමැත්තා බව මහව පොලිසිය සඳහන් කළේය.
ඔහු පෙරේදා (25 වැනිදා) තම කොණ්ඩය කපා ගැනීම සඳහා මල්ලවපිටිය නගරයට යාමෙන් පසුව අතුරුදන්ව ඇති බවට පවුලේ ඥාතීන් විසින් දොරටියාව පොලිසියට ද පැමිණිල්ලක් කර තිබුණි.
ප්‍රසිද්ධ පුද්ගලයකු වන ඔහු සොයාගැනීමට පොලිසිය විමර්ශන සිදුකරන අතරතුර ව්‍යාපාරිකයාට අයත් ජීප් රිය තුළ දමා තිබියදී ඔහුගේ මළ සිරුර හමුවී ඇති අතර කිසියම් පිරිසක් විසින් ඔහු මරා ඝාතනය කොට ජීප් රථය තුළට දමා ඇති බවට පොලිසිය සැක පළ කරයි.
රන් ආභරණ වගයක් උකසට තබා ලබාගත් රුපියල් ලක්ෂ විසිපහක පමණ මුදලක් ඝාතනයට ලක්වූ ව්‍යාපාරිකයා සතුව තිබූ බවද පැවසේ.
මළ සිරුර සහ අවට ස්ථානීය පරික්ෂාවක් සිදු කළ මහව වැඩබලන මහෙස්ත්‍රාත්වරිය මළ සිරුර පශ්චාත් මරණ පරීක්ෂණයක් සඳහා කුරුණෑගල අධිකරණ වෛද්‍යවරයා වෙත යොමු කිරීමට පොලිසියට නියම කළාය.
