කොළඹ වරාය පොලිස් වසමේ කෘත්‍රීම වෙරළ තීරයේ මුහුදේ පිහිනමින් සිටි සරසවි සිසුවෙක් අතුරුදහන් වී ඇති බව වාර්තා වේ.
අතුරුදහන් වී ඇත්තේ වයස අවුරුදු 24 ක් වන අස්ගිරිය ගම්පහ ප්‍රදේශයේ පදිංචිකරුවෙකි.
කොළඹ විශ්ව විද්‍යාලයේ හා මොරටුව විශ්ව විද්‍යාලයේ සිසුන් පිරිසක් විනෝදාංශයක් ලෙස ස්නෝර්කල් පැලැඳ මුහුදේ පීහිනමින් මුහුදු පතුල නීරීක්ෂණ කරමින් සිටියදී එක් අයෙක් මෙලෙස අතුරුදහන් වී ඇති බවට අනාවරණය වී ඇත.
අතුරුදහන්වූ සිසුවා පැලැඳ සිටි ස්නෝර්කලය ජීවිතාරක්ෂක නිලධාරීන් විසින් සොයා ගෙන ඇත.
කෙසේ නමුත් අතුරුදහන් සිසුවා සොයා කොළඹ වරාය පොලිසිය, නාවික කොට්ඨාසයේ කිමිඳුම්කරුවන්, රංගල නාවික හමුදා කිමිඳුම්කරුවන් ඒකාබද්ධව මෙහෙයුම් දියත් කර ඇති අතර කොළඹ වරාය පොලිසිය වැඩිදුර විමර්ශන සිදු කරනු ලබයි.
