ජන ලේඛන හා සංඛ්‍යා ලේඛන දෙපාර්තමේන්තුව 2025 ජූනි මාසය සඳහා කොළඹ පාරිභෝගික මිල දර්ශකය සහ කොළඹ නාගරික ප්‍රජාවගේ පාරිභෝගික උද්ධමන අනුපාතය අද (ජූනි 30) ප්‍රකාශයට පත් කර ඇත.
ඒ අනුව, කොළඹ නාගරික ප්‍රජාවගේ පාරිභෝගික උද්ධමන අනුපාතය 2025 ජූනි මාසය සඳහා -0.6% ක් දක්වා වැඩි වී ඇත.
එය 2025 මැයි මාසය සඳහා -0.7% ක් ලෙස වාර්තා වී තිබුණි.
2025 ජූනි මාසයේදී ආහාර කාණ්ඩයේ වාර්ෂික උද්ධමනය (ලක්‍ෂ්‍යමය) 4.3% දක්වා අඩු වී ඇති අතර 2025 මැයි මාසයේදී එය වාර්තා වූයේ 5.2% ක් ලෙස ය.
එමෙන් ම, 2025 ජූනි මාසය සඳහා ආහාර නොවන කාණ්ඩයේ වාර්ෂික උද්ධමනය (ලක්‍ෂ්‍යමය) -2.8%ක් දක්වා වැඩි වී ඇති අතර එය 2025 මැයි මාසයේදී -3.3%ක් ලෙස වාර්තා විය.
