Starlink සේවාවන් දැන් ශ්‍රී ලංකාව තුළ ලබා ගත හැකි බව එම සමාගම නිල වශයෙන් නිවේදනය කර ඇත.
‘X’ සටහනක් තබමින් එලොන් මස්ක් මේ බව දන්වා ඇත.
ස්ටාර්ලින්ක් සඳහා අවසර දීමට ශ්‍රී ලංකාවේ විදුලි සංදේශ නීතිය සංශෝධනය කල අතර 2024 අගෝස්තු මාසයේදී ඒ සදහා නියාමන අනුමැතිය ලබා ගන්නා ලදී.
පසුගිය සතියේ, ඩිජිටල් ආර්ථිකය පිළිබඳ නියෝජ්‍ය අමාත්‍ය එරංග වීරරත්න පැවසුවේ උපාංග 10 ක් භාවිතා කරමින් ස්ටාර්ලින්ක් හි නියමු ව්‍යාපෘතියක් දැනටමත් ක්‍රියාත්මක වෙමින් පවතින බවයි.
ස්ටාර්ලින්ක් වෙබ් අඩවියට අනුව, ශ්‍රී ලංකාව සඳහා නේවාසික පැකේජයේ මිල මසකට රු. 15,000 ක් වන අතර අවශ්‍ය දෘඩාංග සඳහා රු. 118,000 ක අමතර පිරිවැයක් දරයි.
ස්ටාර්ලින්ක් ස්පේස් එක්ස් විසින් ක්‍රියාත්මක කරනු ලබන අතර පහළ පෘථිවි කක්ෂීය චන්ද්‍රිකා දහස් ගණනක් භාවිතා කරමින් අධිවේගී අන්තර්ජාලය සපයයි.
ෆයිබර් සම්බන්ධතා නොමැති දුරස්ථ සහ ග්‍රාමීය ප්‍රදේශවල මෙම සේවාව විශේෂයෙන් ප්‍රයෝජනවත් වන අතර එය දැනට රටවල් 100කට ආසන්න ප්‍රමාණයක ක්‍රියාත්මක වේ.
