වෙන්නප්පුව ප්‍රදේශයේදී සිදු කළ විශේෂ වැටලීමදී කේරළ ගංජා තොගයක් හා පිස්තෝල අවි දෙකක් සමඟ සැකකරුවන් තිදෙනෙකු අත්අඩංගුවට ගෙන ඇති බව වාර්තා වේ.
පසුගිය 02 වැනිදා මෙම වැටලීම සිදු කර ඇති අතර ඔවුන් සන්තකයේ තිබී කේරළ ගංජා කිලෝ 913 ග්‍රෑම් 124, විදේශ රටක නිෂ්පාදිත පිස්තෝල අවි 02 ක්, පතරොම් ගැබ් 04 ක්, ජීව පතරොම් 40ක් පොලීසිය සිය භාරයට ගෙන ඇත.
නාවික හමුදා බුද්ධි නිලධාරීන් විසින් ලබා දුන් තොරතුරක් මත පොලිස් මත්ද්‍රව්‍ය කාර්යංශයේ නිලධාරීන් කණ්ඩායමක් විසින් මෙම වැටලීම සිදු කර තිබේ.
අත්අඩංගුවට ගත් සැකකරුවන් අවුරුදු 24, 48 හා 51 යන වයස්වල පසුවන නොච්චියාගම, උළුක්කුලම හා අනුරාධපුර ප්‍රදේශවල පදිංචිකරුවන් බව වාර්තා වේ.
සැකකරුවන් ඊයේ (03) මාරවිල මහේස්ත්‍රාත් අධිකරණයට ඉදිරිපත් කර දින 07 ක රැදවුම් නියෝග ලබා ගෙන තිබේ.
