පොලිසියෙන් රාගම බටුවත්ත ග්‍රාම සංවර්ධන මාවතේදී පෙරේදා රාත්‍රීයේ දී ගණේමුල්ල සංජීවගේ සමීපතමයෙක් ලෙස සඳහන් ආමි උපුල් නමැත්තා වෙඩි තබා ඝාතනය කර ඇත්තේ ඩුබායි හි සැගව සිටින සංවිධානාත්මත අපරාධකරුවෙක් වන කෙහෙල්බද්දර පද්මෙගේ පාර්ශ්වයෙන් බවට තොරතුරු ලැබී ඇති බව ප්‍රකාශ කරයි.
ඒ අනුව අදහස් දැක්වූ වැඩ බලන පොලිස්පති ප්‍රියන්ත වීරසූරිය කියා ඇත්තේ අංශ කිහිපයක් ඔස්සේ එම පරීක්ෂණ මෙහෙයවීමට විමර්ශන කණ්ඩායම් තුනක් පත්කර ඇති බවයි.
පෙරේදා රාත්‍රියේදී රාගම බටුවත්ත ප්‍රදේශයේ තම නිවසේ රැඳී සිටි ආමි උපුල් ත්‍රීරෝද රථයකින් පැමිණි පුද්ගලයන් තිදෙනෙක් මඟින් යම් කාරණයක් පැවසීමට බව පවසා නිවසින් පිටතට ගෙන්වාගෙන ඇති අතර අනතුරුව මෙසේ වෙඩි තබා ඝාතනයට පැමිණි පුද්ගලයන් එම ත්‍රීරෝද රියෙන්ම පලාගොස් ඇති බව හෙළි විය.
මෙහිදී ඝාතනයට ලක්වූ ආමි උපුල් නැමැත්තා වයස අවුරුදු 45 ක මත්ද්‍රව්‍ය ජාවාරම පිළිබඳව චෝදනා එල්ලවී ඇති අයෙක් වන අතර ඔහුට එරෙහිව අධිකරණයේ නඩු කිහිපයක් ද විභාග වෙමින් පවතින බව සඳහන් වේ.
මත්ද්‍රව්‍ය ජාවාරම පිළිබඳව ගණේමුල්ල සංජීව සහ කෙහෙල්බද්දර පත්මේ අතර තිබූ ආරවුලේ ප්‍රතිඵලයක් ලෙස මෙම ඝාතනය ද සිදුකර ඇති බව මේ පිළිබඳව කළ මූලික පරීක්‍ෂණවලදී අනාවරණය වී ඇත.
