මඩකලපුව බන්ධනාගාරයේ රඳවා සිටි සමයේ, ශිවනේසතුරෙයි චන්ද්‍රකාන්තන් හෙවත් “පිල්ලෙයාන්” 2019 පාස්කු ඉරිදා බෝම්බ ප්‍රහාරය පිළිබඳ පූර්ව දැනුවත්වීමකින් පසුවූ බවට විමර්ශනවලදී හෙළිදරව් වී ඇති බව මහජන ආරක්ෂක අමාත්‍යවරයා ආනන්ද විජේපාල පාර්ලිමේන්තුවේදී අද (09) ප්‍රකාශ කර ඇත.
මහජන ආරක්ෂක අමාත්‍යවරයා පාර්ලිමේන්තුව හමුවේ සිදු කළ මෙම හෙළිදරව්ව, 2019 වර්ෂයේ ශ්‍රී ලංකාවේ සිදුවූ බිහිසුණු පාස්කු ප්‍රහාරයට සම්බන්ධ සැකකරුවන්ගේ හා ඒ ආශ්‍රිත තොරතුරුවලට අදාළ බරපතල තත්ත්වයක් හෙළි කරයි.
පිල්ලෙයාන්, එවකට රජයේ බන්ධනාගාර ගතව සිටි සමයේ, මෙම ත්‍රස්තවාදී ප්‍රහාරයට අදාළ යම් තොරතුරු හෝ සැලසුම් ගැන දැනුවත්ව සිටි බවට විමර්ශකයන් විසින් සොයාගෙන ඇති බව අමාත්‍යවරයාගේ ප්‍රකාශයෙන් තහවුරු වේ.
