ඇල්පිටිය මූලික රෝහලේ මෘත ශරීරාගාරයේ මළ සිරු තැන්පත් කරන ශීතකරණය මේ වන විට මාස හයකට අධික කාලයක් තිස්සේ ක්‍රියා විරහිත වී ඇති බව වාර්තා වේ.
එය නැවත වතාවක් අලුත් වැඩියා කිරීමට රජය අවධානය යොමු නොකිරීම නිසා ප්‍රදේශවාසීන් දැඩි අපහසුතාවයකට ලක් වී ඇති බවයි සදහන් වන්නේ.
මේ හේතුවෙන් ඇල්පිටිය මූලික රෝහලේ දී මිය යන රෝගීන්ගේ මළ සිරුරු බලපිටිය මූලික රෝහලට හෝ කරාපිටිය ශික්ෂණ රෝහලට රැගෙන යෑමට සිදු වන බව පැවසෙයි.
ඒ සඳහා අමතර මුදලක් වැය වන අතර එම නිසා මේ සඳහා වැයවන මුදල් ජනතාවට දරාගත නොහැකි තරම් බව ප්‍රදේශවාසීන් මැසිවිලි නගයි.
කෙසේ වෙතත් මේ පිළිබඳ අදහස් දැක් වූ ජාතික ජන බලවේගයේ පාර්ලිමේන්තු මන්ත්‍රී නිශාන්ත පෙරේරා පැවසූවේ මෙවන් ගැටලු ඉක්මනින් නිරාකරණය කිරීමට කටයුතු කරන බවයි.
