ගල්ගමුව ප්‍රදේශයේ තවත් දළ ඇතෙක් අභිරහස් ලෙස මියගොස් ඇති බව වාර්තා වේ.
ඇහැටුවැව මුදියන්නෑගම ගාලයාය වෙල රක්ෂිතයේ මෙම දළ ඇතා මැරී වැටී සිටියදී අද (22) සොයාගෙන තිබුණි.
වැවේ මාළු ඇල්ලීමට ගිය තරුණයන් දෙදෙනකු මියගොස් සිටි ඇතා දැක ඇති අතර මීගලයාව වනජීවී කාර්යාලයට මේ බව දන්වා තිබේ.
මීට පෙර වෙඩි වැදීමකට ලක්ව මින්නේරිය ජාතික වනෝද්‍යානය සිටි යුනිකෝන් නැමැති හස්තියා මියගොස් තිබුණි.
එමෙන්ම වෙඩි වැදී පීඩා විඳිමින් ප්‍රතිකාර ලබමින් සිටි භාතිය හස්තියාද 15 වැනිදා උදෑසන මිය ගියේය.
