පාර්ලිමේන්තු මන්ත්‍රී රෝහිත අබේගුණවර්ධනගේ දියණිය ඉදිරි දින කිහිපය තුළ පොලිසියට භාර නොවන්නේ නම්, ඇයට අයත් දේපල තහනම් කිරීම සඳහා අධිකරණ නියෝගයක් ලබා ගැනීමට කටයුතු කරන බව පොලිසිය අද (24) නිවේදනය කර ඇත.
නීතිවිරෝධී ලෙස ජීප් රථයක් මෙරටට ආනයනය කර එකලස් කිරීම සම්බන්ධයෙන් සිදු වන විමර්ශනවලට අදාළව ඇය සහ ඇගේ සැමියා අත්අඩංගුවට ගැනීමට නියමිතයි.
පොලීසිය සඳහන් කරන්නේ, ඔවුන් රැඳී සිටින බවට තොරතුරු ලැබුණු ස්ථාන කිහිපයක් පරීක්ෂා කළද ඔවුන් එම ස්ථානවල නොපවතින බවයි.
මෙම සිද්ධියට අදාළව පාර්ලිමේන්තු මන්ත්‍රී ජගත් විතානගේ පුත්‍රයා අත්අඩංගුවට ගෙන මේ වනවිට රක්ෂිත බන්ධනාගාරයේ තබාගෙන ඇත.
