අද (24) දින පාර්ලිමේන්තුවේදී විවාදයට ගැනුණු අධ්‍යාපන ප්‍රතිසංස්කරණ පිළිබඳ විවාදයේදී අදහස් දැක්වූ ජනාධිපති අනුර කුමාර දිසානායක පවසා සිටියේ පවතින අධ්‍යාපන ක්‍රම‍යෙන් බිහි කළ තරුණ පරම්පරාවත් ඒ නිසා බිහිව ඇති ආර්ථිකයත් පිළිබඳ සෑහීමකට පත් විය නොහැකි බවයි.
එහිදී පවතින අධ්‍යාපනයේ පැවති අඩුපාඩු සඳහන් කළ ජනාධිපතිවරයා ප්‍රශස්ත මට්ටමේ අධ්‍යාපනයක් ලබා දීමේ වගකීම ආණ්ඩුව භාර ගන්නා බව ප්‍රකාශ කළා.
ඒ අනුව දරුවෙකුට සජීවී ජීවයක් ඇති කරන අධ්‍යාපන ප්‍රතිසංස්කරණ සිදු කරන බව ඔහු පවසයි.
ඒ අනුව ඔහු වැඩිදුරටත් සඳහන් කළේ,
” 2023 වසරේ එකම ළමයෙක්වත් ඇතුළත් නොවූ පාසල් 98 තියෙනවා. පාසල් 115 ක් තියෙනවා ළමයි 10 ට වඩා අඩු. පාසල් 406 ක් තියෙනවා ළමයි 20ට වඩා අඩු. පාසල් 752 ක් තියෙනවා ළමයි 30 ට වඩා අඩු… මුළු පසල් පද්ධතියේ 15%ක ළමයි 50 ට වඩා අඩුයි. රජයේ පාසල් 3න් 1ක ළමයි 100ට වඩා අඩුයි. ළමයි 1000ට වඩා අඩු පාසලක සාහිත්‍ය උළෙළක් ක්‍රීඩා උළෙලක් විනෝද චාරිකාවක් කිසිවක් සිද්ධ වෙන්නේ නැහැ. සමහර පාසල් තියෙනවා වසා දැමිය යුතුයි.පාසලෙන් පාසල පරික්ෂා කළ යුතුයි. ප්‍රවාහන අවශ්‍යතා නැත්තම් අපි ලෑස්තියි…ආර්ථික වශයෙන් ප්‍රතිලාභයි නගරේ පාසලට යන්න අපි බස් එකක් දෙන්නම් උදේ හවා ගෙනියන්න”
ඔහු කල සම්පූර්ණ ප්‍රකාශය පහතින්,
